ಮಜಾವಾಣಿ

ಎಲ್ಲಿ ಬೇಲಿಗಿಲ್ಲವೋ ಅರಿವು, ಎಲ್ಲಿ ಗಾಳಿಗಿಲ್ಲವೋ ಭಯವು, ಎಲ್ಲಿಲ್ಲವೋ ಸತ್ಯದ ಸುಳಿವು...

Saturday, January 22, 2011

ಸಫಲವಾಗದ ರಾಜ ಭವನ್ ಚಲೋ!

ಸಫಲವಾಗದ ರಾಜ ಭವನ್ ಚಲೋ!

ಬೆಂಗಳೂರು ಜ. ೨೨: ಇತ್ತೀಚೆಗಿನ ರಾಜಕೀಯ ಬೆಳವಣಿಗೆಗಳ ಸಂಬಂಧಿಸಿದಂತೆ ರಾಜ್ಯಪಾಲ ಎಚ್.ಆರ್.ಭರದ್ವಾಜ್ ವಿರುದ್ಧ ಬಿ.ಜೆ.ಪಿ. ಹಮ್ಮಿ ಕೊಂಡಿದ್ದ ರಾಜ್ ಭವನ್ ಚಲೋ ಕಾರ್ಯಕ್ರಮ ಆಟೋರಿಕ್ಷಾ ಚಾಲಕರು ಮೀಟರಿಗೆ ಎರಡರಷ್ಟು ಕೇಳಿದ್ದರಿಂದ ವಿಫಲವಾಗಿರುವುದಾಗಿ ವರದಿಯಾಗಿದೆ.

ಬಿ.ಜೆ.ಪಿ. ನಾಯಕ ಮತ್ತು ಮುಖ್ಯ ಮಂತ್ರಿ ಬಿ.ಎಸ್.ಯಡಿಯೂರಪ್ಪನವರು ಎಷ್ಟೇ ಪ್ರಯತ್ನ ಪಟ್ಟರೂ, ಯಾವುದೇ ಆಟೋ ರಿಕ್ಷಾ ರಾಜ್ ಭವನದ ಬಳಿಗೆ ಬರಲು ನಿರಾಕರಿಸಿದ್ದರಿಂದ, ಯಡಿಯೂರಪ್ಪನವರಿಗೆ ರಾಜ್ ಭವನವನ್ನು ತಲುಪಲು ಸಾಧ್ಯವಾಗಲಿಲ್ಲವೆನ್ನಲಾಗಿದೆ. ಯಡಿಯೂರಪ್ಪನವರು ಮೀಟರ್ ಮೇಲೆ ೧೦ ರೂಪಾಯಿವರೆಗೆ ಜಾಸ್ತಿ ಕೊಡಲು ಸಿದ್ಧವಿದ್ದರೂ, ಆಟೋ ಚಾಲಕರು ಕನಿಷ್ಠ ಮೀಟರ್ ಮೇಲೆ ಎರಡರಷ್ಟು ಕೊಡುವಂತೆ ಕೇಳಿದರೆನ್ನಲಾಗಿದೆ.

ಈ ಬಗ್ಗೆ ನಮ್ಮ ಪತ್ರಿಕೆಯೊಂದಿಗೆ ಮಾತನಾಡಿದ ಆಟೋ ಚಾಲಕ ಮನಿ ವಣ್ಣನ್, "ಇದೆಲ್ಲಾ ಸುಳ್ಳು. ನಮ್ಮ ಕಷ್ಟ ಯಾರಿಗೆ ಗೊತ್ತಾಗುತ್ತೆ?! ನಾವು ಎಲ್ಲಿಗೆ ಬೇಕಾದ್ರೂ ಹೋಗಕ್ಕೆ ರೆಡಿ. ಆದರೆ ರಾಜ ಭವನಕ್ಕೆ ಹೋಗೋ ಪ್ಯಾಸೆಂಜರ್ಸ್ ಇರ್ತಾರೆ ಹೊರ್ತೂ ಅಲ್ಲಿಂದ ಪಿಕ್ ಅಪ್ ಯಾರೂ ಸಿಗೊಲ್ಲ" ಎಂದರು.

Labels: ,

0 Comments:

Post a Comment

Links to this post:

Create a Link

<< Home