ಮಜಾವಾಣಿ

ಎಲ್ಲಿ ಬೇಲಿಗಿಲ್ಲವೋ ಅರಿವು, ಎಲ್ಲಿ ಗಾಳಿಗಿಲ್ಲವೋ ಭಯವು, ಎಲ್ಲಿಲ್ಲವೋ ಸತ್ಯದ ಸುಳಿವು...

Friday, March 09, 2007

ಮಜಾವಾಣಿ: ಶಿಕ್ಷಣ ವಾಣಿ

"ಈ ಪ್ರಪಂಚದಲ್ಲಿ ಸಾವೊಂದೇ ನಿಶ್ಚಿತ"
(ಮಜಾವಾಣಿ ಬ್ಯೂರೋ ವರದಿ)

ದೊಂಬಲೂರು, ಫೆಬ್ ೧೧: "ಈ ಪ್ರಪಂಚದಲ್ಲಿ ಸಾವು ಎಲ್ಲರಿಗೂ ನಿಶ್ಚಿತ. ನೀವೀಗ ಎಷ್ಟೋ ಕನಸುಗಳನ್ನು ಕಾಣುತ್ತಿರಬಹುದು. ಮಹಾನ್ ವಿಜ್ಞಾನಿಯಾಗುವ ಕನಸು, ಖ್ಯಾತ ಚಿತ್ರ ತಾರೆಯಾಗುವ ಕನಸು, ವಿಶ್ವ ಕಪ್‌ ಫೈನಲ್ಲಿನಲ್ಲಿ ವಿನ್ನಿಂಗ್ ರನ್ ಹೊಡೆಯುವ ಕನಸು. ನಿಮ್ಮಲ್ಲಿ ಬಹುಪಾಲು ಮಂದಿಗೆ ಇಂತಹ ಕನಸುಗಳು ಕನಸುಗಳಾಗೇ ಉಳಿಯುತ್ತವೆ. ಆದರೆ ಒಂದು ಮಾತ್ರ ಖಂಡಿತ. ಒಂದಲ್ಲ ಒಂದು ದಿನ ನೀವು ಸಾಯುವುದು ನಿಶ್ಚಿತ" ಎಂದು ಜಿಲ್ಲಾ ಶಿಕ್ಷಣಾಧಿಕಾರಿ ಧರ್ಮರಾಜಯ್ಯನವರು ಹೇಳಿದ್ದಾರೆ.

ದೊಂಬಲೂರಿನ ಹೋಲಿ ಬ್ಲಾಸಂ ಇಂಗ್ಲೀಷ್ ಪ್ರಾಥಮಿಕ ಶಾಲೆಯ ಶಾಲಾ ದಿನದ ಕಾರ್ಯಕ್ರಮದಲ್ಲಿ ಮಕ್ಕಳನ್ನುದ್ದೇಶಿಸಿ ಮಾತನಾಡುತ್ತಿದ್ದ ಅವರು, "ಸಾವು ಮಾತ್ರ ಎಲ್ಲರಿಗೂ ಗ್ಯಾರಂಟಿ. ಅದೃಷ್ಟ ಇದ್ದವರು ಹೆಚ್ಚು ನೋವನ್ನು ಅನುಭವಿಸದೆ ಅಂತ್ಯ ಕಾಣುತ್ತಾರೆ" ಎಂದು ಮಕ್ಕಳಿಗೆ ಕಿವಿ ಮಾತು ಹೇಳಿದರು.

ದೊಂಬಲೂರು ಸಹಕಾರಿ ಬ್ಯಾಂಕಿನ ಕಾರ್ಯದರ್ಶಿ ಮಲ್ಲಣ್ಣ ಕಾರ್ಯಕ್ರಮದ ಅಧ್ಯಕ್ಷತೆವಹಿಸಿದ್ದರು. ಹೋಲಿ ಬ್ಲಾಸಂ ಶಾಲೆಯ ಶಿಕ್ಷಕಿ ಮರಗತಂ ಸ್ವಾಗತ ಭಾಷಣ ಮಾಡಿದರು. ಶಾಲೆಯ ಮುಖ್ಯ ಶಿಕ್ಷಕ ವೇಲಾಯುಧನ್ ವಂದನಾರ್ಪಣೆ ಮಾಡಿದರು.

Labels: ,

0 Comments:

Post a Comment

Links to this post:

Create a Link

<< Home