iPod ಸೂಕ್ಷ್ಮೋ

(ಮಜಾವಾಣಿ Exclusive!)
ಕ್ಯಾಲಿಫೋರ್ನಿಯ, ಏಪ್ರಿಲ್ ೩೧, ೨೦೦೬: ಕಳೆದ ಸೆಪ್ಟೆಂಬರಿನಲ್ಲಿ ಐಪಾಡ್ ನ್ಯಾನೋ ಎಂಬ ಎಂ.ಪಿ.೩ ಪ್ಲೇಯರುಗಳನ್ನು ಮಾರುಕಟ್ಟೆಗೆ ಬಿಟ್ಟ Apple ಕಂಪೆನಿ, ಈಗಾಗಲೇ ಮುಂದಿನ ಆವೃತ್ತಿಯನ್ನು ಮಾರುಕಟ್ಟೆಗೆ ಬಿಡಲು ಸಿದ್ಧವಾಗಿ ನಿಂತಿದೆ.

ಕೇವಲ ೧.೫ ಇಂಚು ಅಗಲ, ೩.೫ ಇಂಚು ಉದ್ದ ಮತ್ತು ೦.೨೫ ಇಂಚು ದಪ್ಪವಿರುವ ಐಪಾಡ್ ನ್ಯಾನೋ ಮಾರುಕಟ್ಟೆಯಲ್ಲಿ ಬಿಸಿ ಬಿಸಿ ಬೋಂಡಾದಂತೆ ಬಿಕರಿಯಾಗಿರುವುದರಿಂದ ಉತ್ಸಾಹಿತರಾದ Apple ಕಂಪೆನಿಯವರು, ನ್ಯಾನೋಗಿಂತಲೂ ಪುಟ್ಟದಾದ ಐಪಾಡ್ ಸೂಕ್ಷ್ಮೋ ಪ್ಲೇಯರನ್ನು ಈ ವರ್ಷದ ಕ್ರಿಸ್‍ಮಸ್ ವೇಳೆಗೆ ಮಾರುಕಟ್ಟೆಗೆ ತರಲು ನಿರ್ಧರಿಸಿದ್ದಾರೆ.

ಈ ವಿಷಯದ ಕುರಿತು ಮಜಾವಾಣಿಯೊಂದಿಗೆ ಪ್ರತ್ಯೇಕವಾಗಿ ಮಾತಾನಾಡಿದ Apple ಕಂಪೆನಿಯ ಮುಖ್ಯಸ್ತ ಸ್ಟೀವ್ ಜಾಬ್ಸ್, "ನ್ಯಾನೋನಲ್ಲಿ ಕೇವಲ ೧೦೦೦ ಹಾಡುಗಳ ಸಂಗ್ರಹಿಸಲು ಸಾಧ್ಯವಿದೆ. ಆದರೆ, ಮಾನವನ ಜೀವಕೋಶದ ಎರಡರಷ್ಟು ಉದ್ದ, ಅಗಲ ಮತ್ತು ದಪ್ಪ ಇರುವ ಸೂಕ್ಷ್ಮೋನಲ್ಲಿ ೧೦ ಮಿಲಿಯನ್ ಹಾಡುಗಳನ್ನು ಸಂಗ್ರಹಿಸಲು ಸಾಧ್ಯ" ಎಂದರು.

ಜೀವಕೋಶದ ಸರಿ-ಸಮಾನ ಗಾತ್ರವಿರುವ ಎಂ.ಪಿ.೩ ಪ್ಲೇಯರನ್ನು ಜನ ಕೊಳ್ಳುತ್ತಾರೆಯೇ ಎಂದು ನಾವು ಪ್ರಶ್ನಿಸಿದಾಗ, ಈ ಕುರಿತು ಈಗಾಗಲೇ ಮಾರುಕಟ್ಟೆಯಲ್ಲಿ ಸಮೀಕ್ಷೆ ನಡೆಸಿರುವುದಾಗಿ ಜಾಬ್ಸ್ ತಿಳಿಸಿದರು. ಈ ಸಮೀಕ್ಷೆಯ ವಿವರಗಳನ್ನು ನಮ್ಮೊಂದಿಗೆ ಹಂಚಿಕೊಂಡ ಜಾಬ್ಸ್, "ಈ ಸಮೀಕ್ಷೆಯಲ್ಲಿ ಇದ್ದದ್ದು ಒಂದೇ ಪ್ರಶ್ನೆ: ನಿಮ್ಮ ಜೀವನಕ್ಕೆ ಜೀವಕೋಶಗಳು ಎಷ್ಟು ಮುಖ್ಯ? ಈ ಪ್ರಶ್ನೆಗೆ ಉತ್ತರಿಸಿದ ಶೇ ೬೦ ಜನರ ಪ್ರಕಾರ ಜೀವಕೋಶಗಳಿಲ್ಲದೇ ಜೀವನವೇ ಅಸಾಧ್ಯ. ಜೀವಕೋಶಗಳ ಬಗ್ಗೆ ಜನರಿಗೆ ಇಂತಹ ಅಭಿಪ್ರಾಯ ಇರುವಾಗ, ಅದರ ಎರಡರಷ್ಟು ಗಾತ್ರವಿರುವ ಸೂಕ್ಷ್ಮೋ ಮಾರುಕಟ್ಟೆಯಲ್ಲಿ ಸಫಲವಾಗುವುದರಲ್ಲಿ ಸಂದೇಹವೇ ಇಲ್ಲ".

ಸೂಕ್ಷ್ಮೋದ ಬೆಲೆ ಕೇವಲ ೧೦೦೦ ಯು.ಎಸ್. ಡಾಲರ್ ಇದ್ದು, ಅದು ಮೂರು ವರ್ಣಗಳಲ್ಲಿ ಮಾರುಕಟ್ಟೆಯಲ್ಲಿ ದೊರಕಲಿದೆ. ಸೂಕ್ಷ್ಮೋ ಜೊತೆಯಲ್ಲಿಯೇ ಐಪಾಡ್ ಮೈಕ್ರೋಸ್ಕೋಪ್ ಸಹ ಮಾರುಕಟ್ಟೆಗೆ ಬರಲಿದ್ದು, ಅದೂ ಸಹ ಮೂರು ವರ್ಣಗಳಲ್ಲಿ ದೊರೆಯಲಿದೆ.

ಮಜಾವಾಣಿ ಸಂದರ್ಶನ: ಶ್ರೀ ಶ್ರೀ ರವಿಶಂಕರ್

ಶ್ರೀ ಶ್ರೀ ರವಿಶಂಕರ್ ವಿಷಯ ತಿಳಿಯದೇ ಇದ್ದವರು ಇಂದು ಇಡೀ ಪ್ರಪಂಚದಲ್ಲಿಯೇ ಇರಲಿಕ್ಕಿಲ್ಲ. ಅವರ ಮಂದಸ್ಮಿತ ಇಂದು ಬೆಂಗಳೂರಿನ ಗೋಡೆ-ಗೋಡೆಗಳ ಮೇಲೂ ರಾರಾಜಿಸುತ್ತಿದೆ.

ನೊಬೆಲ್ ಪ್ರಶಸ್ತಿ ನೀಡುವ ಸಮಿತಿಯ ಪ್ರಕಾರ, ಯಾವುದೇ ದೇಶದ ಯಾವುದೇ ಚುನಾಯಿತ ಪ್ರತಿನಿಧಿಯಿಂದ ಹಿಡಿದು ಕಾಲೇಜು ಪ್ರೊಫೆಸರುಗಳ ವರೆಗೆ ಯಾರು ಬೇಕಾದರೂ ಯಾರ ಹೆಸರನ್ನಾದರೂ ನೊಬೆಲ್ ಶಾಂತಿ ಪ್ರಶಸ್ತಿಗೆ ಸೂಚಿಸಬಹುದು. ಗುರೂಜಿಯವರ ಗ್ಲಾಮರ್ ವರ್ಚಸ್ಸು ಎಷ್ಟಿದೆಯೆಂದರೆ, ಅಮೆರಿಕದ ೪೩೫ ಪ್ರತಿನಿಧಿಗಳು ಮತ್ತು ೧೦೦ ಸೆನೆಟರ್‌ಗಳಲ್ಲಿ ಒಬ್ಬನೇ ಒಬ್ಬ ಪ್ರತಿನಿಧಿ ಗುರೂಜಿಯವರ ಹೆಸರನ್ನು ಸೂಚಿಸಿದ್ದೇ, ಗುರೂಜಿಯವರಿಗೆ ನೊಬೆಲ್ ಪ್ರಶಸ್ತಿ ಬಂದೇ ಬಿಟ್ಟಿತೇನೋ ಎಂಬಂತೆ ಭಾರತದಾದ್ಯಂತ ವರದಿಯಾಯಿತು.

ವಿಕಿಪೀಡಿಯಾ ಜ್ಞಾನಕೋಶದ ಪ್ರಕಾರ, ಬೆಂಗಳೂರಿನಲ್ಲಿ ಎಂಜಿನಿಯರಿಂಗ್ ಓದಿದರೂ, ಪದವಿ ಪಡೆಯದೆ, ತಮ್ಮ ಆರ್ಟ್ ಆಫ್ ಲಿವಿಂಗ್ ಜೀವನ ಚರಿತ್ರೆಯ ಪ್ರಕಾರ ಕೇವಲ ಹದಿನೇಳನೆಯ ವಯಸ್ಸಿನಲ್ಲಿಯೇ ಆಧುನಿಕ ವಿಜ್ಞಾನದಲ್ಲಿ ಉನ್ನತ (ಆದರೆ, ಹೆಸರಿಲ್ಲದ) ಪದವಿ ಪಡೆದ ಪವಾಡ ಪುರುಷರಿವರು.

ಹಣ ಎಂಬುದು ಅಧ್ಯಾತ್ಮ ಮಾರ್ಗದಲ್ಲಿ ಮುನ್ನಡೆಯಲು ತೊಂದರೆ ನೀಡುವ ಹೆಣ ಭಾರದ ಪಾಪದ ಗಂಟು. ಈ ಭಾರದ ಗಂಟನ್ನು ಜನರ ಹೆಗಲಿನಿಂದ ತೆಗೆದು ತಾವು ಹೊರುವುದು ಸಾಮಾನ್ಯ ಸಂಗತಿಯಲ್ಲ. ಇಂತಹ ಪರೋಪಕಾರವನ್ನು ನಮ್ಮ ಗುರುಗಳೂ, ಮಠಾಧಿಪತಿಗಳೂ ಅನಾದಿಕಾಲದಿಂದ ಮಾಡುತ್ತಲೇ ಬಂದಿದ್ದಾರೆ. ಆದರೆ, ಬಹಳಷ್ಟು ಮಂದಿ ಗುರುಗಳು, ಬಡ ಜನರ ಅಷ್ಟೇನೂ ಭಾರವಿಲ್ಲದ ಗಂಟನ್ನು ಹೊರಲು ಸಿದ್ಧರಿದ್ದಾರೆಯೇ ಹೊರತು, ಇನ್ನೂ ಹೆಚ್ಚಿನ ಭಾರವನ್ನು ಹೊತ್ತು ನರಳುತ್ತಿರುವ ಮೇಲ್-ಮಧ್ಯಮ ವರ್ಗಗಳ ಕಡೆಗೆ ಗಮನ ಹರಿಸಿಲ್ಲ.

ಶ್ರೀ ಶ್ರೀಯವರು ಹಾಗಲ್ಲ. ವಿದ್ಯಾವಂತ ವರ್ಗ, ಇಂಗ್ಲೀಷ್ ಬಲ್ಲ ಮೇಲ್-ಮಧ್ಯಮವರ್ಗದವರ ಬಳಿ ಹಣದ ಗಂಟಿನ ಭಾರ ಹೆಚ್ಚಿರುವುದರಿಂದ, ಸನ್ಮಾರ್ಗ-ಸತ್ಸ್ಂಗ-ಸುದರ್ಶನ ಕ್ರಿಯೆಗಳ ಜರೂರತ್ತು ಈ ವರ್ಗಗಳಿಗೇ ಹೆಚ್ಚು ಇದೆಯೆಂದು ಮನಗಂಡು, ಈ ವರ್ಗಗಳಿಂದ ಹಣದ ಪಾಪದ ಭಾರವನ್ನು ಕಡಿಮೆ ಮಾಡಲು ಸೊಂಟಕ್ಕೆ ರೇಷ್ಮೆ ಉತ್ತರೀಯವನ್ನು ಕಟ್ಟಿ ನಿಂತಿದ್ದಾರೆ.

ಮಜಾವಾಣಿ ಮತ್ತು ಗುರೂಜಿಗಳ ಪ್ರೇಮ ಸಮ್ಮಿಲನಕ್ಕೆ ನಮ್ಮ ಬಹು ಜನ್ಮದ ಪೂಜಾ ಫಲವೇ ಕಾರಣ ಎಂಬುದರಲ್ಲಿ ಸಂಶಯವೇ ಇಲ್ಲ.

ಮಜಾವಾಣಿ: ಗುರೂಜಿಯವರಿಗೆ ನಮಸ್ಕಾರ.
ಗುರೂಜಿ: ನಮಸ್ಕಾರ.

ಮ.ವಾ.: ನೀವು "ಆರ್ಟ್ ಆಫ್ ಲಿವಿಂಗ್" ಎನ್ನುವ ಮಾತು ನಮಗೆ ತುಂಬಾ ಹಿಡಿಸಿತು. ಸತ್ತಿರುವವರ ಕಲೆಗಿಂತ ಬದುಕಿರುವವರ ಕಲೆಗೆ ಹೆಚ್ಚಿನ ಗೌರವ-ಪ್ರಾಧಾನ್ಯ ನೀಡಬೇಕೆಂಬ ನಿಮ್ಮ ಸಂಘಟನೆಯ ನಿಲುವನ್ನು ನಮ್ಮ ಪತ್ರಿಕೆ ಪೂರ್ಣವಾಗಿ ಬೆಂಬಲಿಸುತ್ತದೆ. ಕಲಾವಿದರಿಗೆ ಮರಣಾನಂತರ ಪ್ರಶಸ್ತಿ ನೀಡುವುದು ಒಳ್ಳೆಯ ಅಭ್ಯಾಸ ಅಲ್ಲ. ಇಂತಹ ಪ್ರಶಸ್ತಿಗಾಗಿಯೇ ಕಲಾವಿದರು ಮರಣದ ಮೊರೆ ಹೊಕ್ಕುವ ಅಪಾಯ ಇದೆ.

ಗುರೂಜಿ: ನಮ್ಮ ಸಂಘಟನೆಯ ಹೆಸರು "ಆರ್ಟ್ ಆಫ್ ಲಿವಿಂಗ್" ಅಂದರೆ "ಜೀವನ ಕಲೆ"; "ಆರ್ಟ್ ಆಫ್ ದಿ ಲಿವಿಂಗ್" ಅಲ್ಲ.


ಮ.ವಾ.: ಮೊದ-ಮೊದಲು "ಕಲೆಯೇ ಜೀವನ" ಎನ್ನುತ್ತಿದ್ದ ನೀವು, ಈಗ "ಜೀವನ ಕಲೆ"ಯ ಕಡೆಗೆ ತಿರುಗಿದ್ದು ಹೇಗೆ?

ಗುರೂಜಿ: ನಿಮ್ಮ ಪ್ರಶ್ನೆ ಅರ್ಥವಾಗಲಿಲ್ಲ.


ಮ.ವಾ.: ಅರವತ್ತರ ದಶಕದಲ್ಲಿ ಬೀಟಲ್‌ಗಳ ಒಡನಾಟ ಮಾಡುತ್ತಿದ್ದವರು ಈಗ ಬಾಟಲ್‌ಗಳ ಜೊತೆ ಸೇರಿರುವುದರ ಹಿನ್ನೆಲೆ ಏನು?

ಗುರೂಜಿ: (ಕೊಂಚ ಅಸಹನೆಯಿಂದ) ನಿಮ್ಮ ಪ್ರಶ್ನೆಯಲ್ಲಿ ಏನಾದರೂ ಅರ್ಥ ಇದೆಯೇ?


ಮ.ವಾ.: ಶುಭ್ರವಾಗಿ ಶೇವ್ ಮಾಡಿ, ನೀಟಾಗಿ ಹೇರ್‌‍ಕಟ್ ಮಾಡಿಸಿ ಸಿತಾರ್ ನುಡಿಸುತ್ತಾ ಆರಾಮಾಗಿ ಇದ್ದವರು, ಈಗ ಗಡ್ಡ-ಮೀಸೆ ಬಿಟ್ಟು ಇನ್ನೂ ಆರಾಮವಾಗಿ ಇರುವುದರ ಹಿಂದಿನ ರಹಸ್ಯ ಏನು?

ಗುರೂಜಿ: (ಸಂಪೂರ್ಣ ಅಸಹನೆಯಿಂದ) ಆ ರವಿಶಂಕರ್ ಬೇರೆ, ನಾನು ಬೇರೆ.


ಮ.ವಾ.: ಖಂಡಿತ. ಆ ರವಿಶಂಕರ್ ಬೇರೆ, ನೀವು ಬೇರೆ. ಆದರೆ, ಬೇರೆ ಆಗಿದ್ದು ಹೇಗೆ, ಯಾಕೆ ಮತ್ತು ಯಾವಾಗ ಎಂಬುದೇ ನಮ್ಮ ಪ್ರಶ್ನೆ.

ಗುರೂಜಿ: ಆ ವ್ಯಕ್ತಿ ಬೇರೆ. ನಾನೇ ಬೇರೆ.


ಮ.ವಾ.: (ತಬ್ಬಿಬ್ಬಾಗಿ) ನಮಗೆ ತಿಳಿದಿರಲಿಲ್ಲ. ದಯವಿಟ್ಟು ಕ್ಷಮಿಸಿ. ಆದರೂ, ಇಡಿ ಜಗತ್ತೇ ಒಂದು ಎಂದೆನ್ನುವ ನೀವು, ಆ ವ್ಯಕ್ತಿ ಬೇರೆ, ನಾನು ಬೇರೆ ಎನ್ನುತ್ತಿರುವುದು ನಿಮ್ಮ ತತ್ವಗಳಿಗೆ ವಿರುದ್ಧವಲ್ಲವೇ?

ಗುರೂಜಿ: ಇಲ್ಲ. ನಿಮ್ಮ ಪತ್ರಿಕೆ ಬುದ್ದಿವಂತಿಕೆಯ ವಿರೋಧಿ ಅನ್ನಿಸುತ್ತೆ.

ಮ.ವಾ.: ಖಂಡಿತ ನಿಜ. ನಮ್ಮ ಪತ್ರಿಕೆಯ ವಿಚಾರ ನೀವೂ ತಿಳಿದಿರುವುದು ಸಂತೋಷದ ವಿಷಯ. ಆದರೆ, ಬುದ್ಧಿವಂತಿಕೆಗಿಂತ ನಾವು ಹೆಚ್ಚಾಗಿ ವಿರೋಧಿಸುವುದು ಸತ್ಯವನ್ನು.

ಗುರೂಜಿ: ನೀವು ನಿಜವಾಗಿಯೂ ಪ್ರಜಾವಾಣಿ ದಿನಪತ್ರಿಕೆಯವರೇ ತಾನೇ?


(ಗುರೂಜಿಯವರ ಪ್ರಶ್ನೆಯನ್ನು ನಾವು ಉತ್ತರಿಸುವ ಮುನ್ನವೇ, ಅವರ ಸಹಾಯಕರು ಸಂದರ್ಶನ ಮುಗಿಯಿತೆಂದು ನಮ್ಮನ್ನು ಹೊರಗಡೆ ಕರೆದೊಯ್ದರು.)

We Haven't Given Up!

It has to come to our attention that all our readers across the globe -- the grand total of three! -- are laughing at us. The recent hiatus we have taken has led people to believe that we are running with our tails between our legs after our declaration of the War against Truth.

The simple fact is, it's false.

After declaring our war, we searched for Truth all over the place; especially in our news media. Our plan was to attack this highly overrated value as soon as we found it. But, it appears our open declaration of the war has led this dangerous and often addictive value to completely disappear and go into hiding.

We were told that it may be hiding with Mr.Deve Gowda when he expressed his displeasure about his son getting in bed with BJP. We decided to follow this tip. The entire staff of Majavani World Head Quarters arrived in Bangalore in hot pursuit. Needless to say by the time we arrived, the Truth had vanished from Mr.Gowda's side. In fact, as per some of our sources it was never with him in the first place.

Since Truth is so elusive and out of sight, we are left with no choice but go into hiding ourselves. And that's what we have done. Our thinking is, once we are in hiding, Truth will get a false sense of security and will come out. At that moment we will apprehend it.

Please note that our hiding is more of a tactical retreat than an acceptance of a defeat.

In our mission to vanquish Truth, in the next few weeks we will search for it first in India and then in the South American countries of Brazil, Argentina and Peru. Due to this dangerous and highly secretive mission we will not be able to publish our highly regarded newspaper on a regular basis till the middle of March.

We request our readers to bare with us as we take a dip in the holy river of Amazon.

End Note: Dear reader, you may be wondering about the sudden switch to English from Kannada. We are sure you will heave a sigh of relief when you know the reason behind this switch.

As mentioned earlier, the entire staff of Majavani World H.Q. is in Bangalore now. Since our high tech publishing equipment -- aka laptop -- brokedown after we landed in Bangalore, we were left with the only option of using Internet Centers for our publishing.

While there is still debate going on about "Classical Language", we are thrilled to report that the Internet Centers have already decided that Kannada is a Classical Language similar to Greek, Latin and Sanskrit; they have made sure that the class and the reputation of these languages are not brought down by usage. The Unicode support for all these languages (including Kannada) is not enabled.